المقادير
ا كيلو مكرونة قلم - كوب لبن - كوب شوربة اذا وجدت او نعمل مكعب مرقة دجاج - دقيق - سمن - نصف كيلو لحم مفروم
الطريقة
نجهز اللحم المفروم كالاتى
تقطع بصله ونضع عليها التوابل والبهارات اللازمة ثم نضع اللحم المفروم على البصل ويقلب جيدا هتقلبيها كل شويه وتحاولى بعد ما تتشرب الى فيها تهدى النار عليها شويه حتى تستوى
اثناء ذلك هتكونى جهزتى سلق المكرونة
وبعدها نبدأ بعمل الباشاميل وهو مكون من الدقيق وسمن للتحمير فيه ولبن وشوربة
اول شىء هتحمرى الدقيق فى السمن حتى يصفر لونه وبعدها نضع اللبن وتقلبى جدا خلى بالك طول ما هو عالنار العجين بيجمد علشان كده هتقلبى والخلطة بعيده على النار هتلاحظى انها تماسكت اوى هتضيفى اليها الشوربة وان لقيتها بتجمد تمساكت اوى حاولى تزودى الشوربة واللبن حتى يصبح الخليط سائل الى حد ما يعنى لا يكون متماسك اوى والا سائل اوى كما بالصوربعد كده هتنزليها من عالنار فى اثناء ذلك هتكون اللحم والمكرونة خلصت
هنبدأ بقى فى رص الصينية هتحطى نصف المكرونة فى الصينية وبعدها تضعى اللحم المفروم على تلك الطبقة ثم نضع باقى المكرونة على طبقة اللحم وبعدها نضع طبقة البشاميل كما فى الصورة التالية لو عايزه لونها يحمر اوى هتجيبى بيضه وتوزعيها على سطح الصينية بالكامل انا عن نفسى بعملها من غير بيض ما بحب ريحة البيض على البشاميل
لو حبيتى تضعى على المكرونة قبل رصها فى الصينية توزعى عليها جزء من البشاميل وجزء من اللحم بنفس الطريقة الى فى الصورة واذا ما حبيتى هتعملى الطريقة الى قلنا عليها
دى اضافة الى يحب يعملها والى ما يحب ما بتفرق كتير الا ان كل الخليط بيكون متجانس والمكرونة بيكون فيها البشاميل واللحم
بصراحة انا ما بقدر اقاوم ريحتها بتجنن هههههههه والطعم أحلى وأحلى
[ندعوك للتسجيل في المنتدى أو التعريف بنفسك لمعاينة هذا الرابط]
الأربعاء مايو 18, 2011 1:05 pm
